مفضلاتي لصيف 2016 !

السلام عليكم عزيزاتي، البوست ليوم عن المنتجات المفضلة عندى هذا الصيف، هذا الموسم كان مناسبة لنكتشف فيها ماركات جديدة و نستعمل منتوجات لأول مرة.

كريم منظف ومرطب للجسم من روجي كافاييس Crème lavante Rogé Cavaillès: هو مناسب للبشرة الحساسة و يمكن استعماله لتنظيف الوجه والجسم، انا شخصيا كنستعملو للجسم فقط و ناسبني بزاف بحيت كيرطب لي البشرة و مابقيتش كنحس بالحكة لكانت كاتجيني من بعد الدوش، الرائحة ديالو زوينة والباكاجينغ عملي.

مزيل العرق برائحة الباباي Nectar of Beauty : منتوج ثمنه قليل ولكن فعال بزاف، كيخلي رائحة زوينة وماكتمشيش مع الوقت وهو متوفر غير في محلات كارفور. 

لوشين الجسم واليدين OPI Avojuice Peony & Poppy كنستعملُ بالأكثر لليدين كيمتص بسرعة ولكن لكيعجبني فيه بزاف هو رائحة ديالو حلوة و صيفية.

واقي من الشمس للبشرة الدهنية والبشرة المعرضة لظهور حب الشباب يوسرين Sun Gel Creme Oil Contol EUCERIN: هو عبارة عن جل بسرعة كتمتصُ البشرة ومكيتركش حتى لمعة في الوجه وهذا لجعلُ يكون في مفضلاتي.

كريم اساس مايبلين فيت مي للبشرة الدهنية  Fit Me Latte Maybelline: كلكم كتعرفوا فيت مي العادي، هذاك المشكل ديالو كان كايخلي الوجه كيلمع ولم يكن مناسب للبشرة الدهنية، بعكس هذا لناسب مزيان البشرة ديالي و ماكنحتاجش نستعمل بودرة من فوق منو.

 أحمر شفاه مايبلين  745 Wooden Brown Maybelline كيعجبني لون ديالو وردي بني نيود وهو شبه ماط.

ماسكارا اركنسيلMascara OhLALA ARCANCIL كتعطي حجم رائع لرموش هو عبارة على طقم فيه ماسكارا و ألياف نيلون ولكن انا كانستعمل غير ماسكارا. 

عطري المفضل لهذا الصيف هو ايديل من غيرلان Eau de toilette Idylle de Guerlain  كان هدية من زوجي و عندي معاه بزاف ذكريات هو عبارة عن مزيج رقيق من الزهور كالياسمين والليلك. 

شكلاطة ليندت غنية عن التعريف كنفضل بالخصوص هذا الشكل بالبندق.

إذا كنتي كيعجبك مذاق عرق السوس فهذه أحسن وحدة جربت، مجهدة و نقية (مافيهاش الغبرة)

وفي الأخير هذا هو الكتاب لكنصح بيه كل أم انا شخصيا ماكانوافقش علا كلشي لفيه ولكن كيبقى مرجع مزيان في موضوع تربية الطفل.